یەكەم... كلیلی بەهەشت

كلیلی بەهەشت: (لا اله الا الله محمد رسول الله)ە، وە هەروەها كاری چاكە، دانەكانی كلیلەكە یەكە و بەو دانانە ئیش دەكات وە یەكەمین كەس ئەچێتە بەهەشتەوە پێغەمبەرمان (صلی الله علیه وسلم)ە و دوای ئەوەی شەفاعەت بۆ ئیمانداران دەكات.

دووەم... دەرگاكانی

دەرگاكانی بەهەشت (8) دەرگایە ، (وَسِيقَ الَّذِينَ اتَّقَوْا رَبَّهُمْ إِلَى الْجَنَّةِ زُمَرًا حَتَّى إِذَا جَاۆُوهَا وَفُتِحَتْ أَبْوَابُهَا وَقَالَ لَهُمْ خَزَنَتُهَا سَلَامٌ عَلَيْكُمْ طِبْتُمْ فَادْخُلُوهَا خَالِدِينَ ) (الزمر: 73).

پلە و پایەكانی بەهەشت و ژوورەكانی ....

بەرزترین پلەی بەهەشت بریتیە لە (الفردوس)، لەژێر عەرشی پەروەردگارە، وە هەرچوار ڕوباری بەهەشت لەوێوە دێنەدەر و سەرچاوە دەگرن (ڕوباری شیر، ڕوباری مەی، روباری هەنگوین و ڕوباری ئاو). وە بەرزترین شوێن و مەقام (مەقامی وەسیلەیە)، كە ئەمە مەقامی پێغەمبەرە (صلی الله علیه وسلم) كاتێك جابر (ڕەزای خوای لێ بێت) ئەفەرموێ كە پێغەمبەر ئەفەرموێ: (مَنْ قالَ حينَ يسمع النداء: اللهم ربّ هذه الدعوة التامة والصلاة القائمة آتي محمداً الوسيلة والفضيلة وأبعثْهُ مقاماً محموداً الذي وعدته. حلّتْ له شفاعتي يوم القيامة).

پاشان پلە و شوێنی (أهل العليين) واتە پلە هەرە بەرزەكان، كە ئەمەش بریتیە لە كۆشكێكی بەرزی چەندەها نهۆم و لە دور و یاقوت و گەوهەر دروست كراوە.. بە ژێریا ڕوبار ڕێ دەكات و ئەهلی بەهەشت چۆن ئەستێرە بە ئاسمانەوە ئەبینن ئاوها ئەهلی علیین ئەبینن كە ئەدرەوشێنەوە.. ئەم جێگایە تایبەتە بە پێغەمبەران و شەهیدەكان و ئەوانەی كە  سەبر و ئارام ئەگرن لەسەر بەڵا و كارەسات و هەروەها ئەوانەشی لە پێناوی خوا یەكتریان خۆش دەوێت.

لە بەهەشتدا كۆشكی وا هەیە لە گەوهەری شەفاف و تەنك دروست كراوەو ناوەوەو دەرەوەی دیارە، ئەمانەش بۆ ئەو كەسانەیە كە قسە و ڕوویان بەدەم خەڵكەوە خۆشەو لەپێناوی خوا خواردن ئەبەخشن و شەونوێژ دەكەن لەكاتێكدا خەڵك نوستوون.

پاشان پلەو پایەكانی تری بەهەشت كه (100) سەد پلەن و نزمترینیان ئەوەیە كە یەكێك موڵكی دەوڵەمەندترین پاشای سەر زەوی هەبێت بەڵام هێشتا (10) دە ئەوەندەی موڵكی ئەو پاشایەش.

پیاوان لە شێوەی باوكمان ئادەم ئەبن لە درێژی دا واته (60) باڵ، تەمەنیان لە 33 ساڵیدایە و لە جوانیشدا تاكو بڵێی جوانن وەكو یوسف وە دڵیان وەكو دڵی ئەیوبە و زمانیان وەكو زمانی پێغەبەرە (صلی الله علیه وسلم).. ئەی ئافرەتان لە بەهەشت دا چۆنن؟؟ ئوم سەلەمە (ڕەزای خوای لێ بێت) ئەڵیت كە پێغەمبەر (صلی الله علیه وسلم) ئەفەرموێت: (أن فضل نسا ء الدنيا على الحور العين كفضل ظاهر الثوب على باطنه) واتە فەزڵ و بەها و جوانی ئافرەتانی دونیا بەسەر حورەكانی بەهەشتەوە وەكو بەها و جوانی دەرەوەی پۆشاكن بۆ ناوەوەی، واەتە زۆر لە حورەكان جوانتر و شۆخترن. هەروەها پێغەمبەر لە وەسفی ئافرەتان لە بەهەشت دا دەفەرموێت: (أن المۆمن لينظر الى مخ ساقها أى زوجته كما ينظر أحدكم ألى السلك من الفضة فى الياقوت كأنهن فى شفافية الجواهر على رۆوسهن التيجان و ثيابهن الحرير) واتە ئافرەت لە بەهەشتدا ئەوەندە جوان و شۆخە كاتێك ئیماندار سەیری قاچی خێزانەكەی بكات مۆخی قاچی لێوە دیارە لە شەفافیەت و ناسكی دا هەروەكو چۆن كەسێك تاڵە زیو لە میروی یاقوت دا دەتوانێت ببینێت و تاجیش بەسەریانەوەیەو پۆشاكیشیان لە حەریرە واتە ئاورێشم.

داواكارین لە خوای پەروەردەگار بمانكاتە ئەهلی بەهەشت و دامەزرامان بكات لەسەر ئایینەكەی و لە وەسواسی شەیتان و هاوەڵی خراپ دورمان بخاتەوە..

اللهم أرنا الحق حقاً و ارزقنا أتباعه و أرنا الباطل باطلا و أرزقنا اجتنابه, اللهم ارزقنا عيش السعداء و موت الشهداء و الحشر مع الانبياء

ماڵپەڕی خوشكان