[size=24][/size]
سەرکەوتنە گەورەکانی ڕیاڵ مەدرید لە یارییە دۆستانە خۆئامادەکارییەکان درێژەی هەیە و جارێکی تر لۆس بلانکۆس بە ئەنجامێکی گەورە زلهێزی خۆی دووپاتکردەوە . ئەمڕۆ  یانەی تیدا یانگینی چینی میوانداری یانەی ڕیاڵ مەدریدی کردوو  مێرەنگی لە حەوتەم یاری دۆستانەدا حەوتەم سەرکەوتنی بەدەست هێنا .

سەرەتا لە خولەکی ٩ ڕیکاردۆ کاکا بە لێدانی سزا گۆڵی پێشکەوتنی تۆمارکرد و پاشانیش لە هەڵەیەکی هێڵی بەرگری ئەنخیل دی ماریا لە ١٥ دووەمیشی تۆمارکرد ، لە نیوەی دووەمدا  هەریەکە لە گۆنزالۆ هیگواین و کریستیانۆ ڕۆناڵدۆ لە خولەکەکانی ٦٨ و ٧٤ دوو گۆڵی دیکەیان تۆمارکرد . پاشانیش کەریم بنزیمە کە لە نیوەی دووەم بەشداری لە یارییەکە کرد لە ٨٠ و ٨٢   گۆڵی پێنجەم و شەشەمی ڕیاڵی تۆمارکرد .

مەدرید لە هاوینی ئەمساڵدا بەرامبەر یانەکانی لۆس ئەنجلس گالاکسی و شیڤاز گوادالاخارا و  فیلادلفیا یونیەن و هێرتا بەرلین و لیستەر ستی و گوانژۆو و تیدا تیانگین  یاری کردووە و سەرەڕای سەرکەوتن لە گشت یارییەکان توانیوێتی ٢٧ گۆڵ تۆماربکات .[center][/center]