[size=16]مارلون كینج هێرشبەری یانەی ویگان موسوڵمان بوونی خۆی رِاگەیاند

سەرچاوە رِۆژنامەوانیە بەریتانیەكان ئەمرِۆ دوو شەممە بلاَویان كردەوە : مارلون كینج هێرشبەری پێشووی یانەی ویگان لە بەندیخانە موسوڵمان بوونی خۆی رِاگەیاندوە و ناوی خۆی كردوەتە ( ئەبو حەمزە).

لەو بارەوە رِۆژنامەی (دەیلی میل ) ی بەریتانی بلاَوی كردۆتەوە : كینج پاش ئەوەی لە ساڵی 2008 لە یەكێك لە یانە شەوانەكاندا هێرش دەكاتە سەر قوتابیەكی كچی تەمەن 20 سالاَن و لوتی دەشكێنێت، لە لایەن دادگاوە فەرمانی بەند كردنی دەدرێت.

رِۆژنامەكە لە زاری هاورێكانی لە بەندیخانە بلاَوی كردۆتەوە: كە ناوبراو پێی ووتون بە ناوی ( ئەبو حەمزە تاریق) بانگی بكەن، رِۆژنامەكە ئاماژەشی كردوە كە: كینج زۆر گرنگی بە نوێژەكانی و خواردەمەنی حەلاَڵ و خوێندنی قورئانی پیرۆز و پەرتوكە ئیسلامیەكان دەدات.

ئەمەو بە پێی رِۆژنامەی ناوبراو: پاش موسوڵمان بونی هەڵسوكەوتی كینج گۆرِانكاری زۆری بەسەردا هاتوە، كە پێشتر ئالودەی كۆكایین و خواردنەوە حەرامەكان بووە، هەر بۆیەش یەكێك لە بەندیەكان ووتویەتی: كینج ئێستا موسوڵمانێكی دیندارە و ئەو كورِەی پێشوو نیە كە بەردەوام كێشەی دەنایەوە.

لە لایەن خۆشیەوە كینج ووتی: پاش دەرچونم لە بەندیخانە لەم ساڵدا هەوڵ دەدەم خێزانەكەشم بۆ ناو باوەشی ئیسلام بهێنم.

جێی ئاماژەیە چەند رِاپۆرتێكی وەرزشی ئاماژە بەوە دەكەن : كە كینج پێشتر و پێش كۆتایی هاتنی بۆنەكەی هەفتانە 35 هەزار جونەیهی ئیسترلینی لە یانەی ویگان وەرگرتوە و برِیارە پاش دەرچونی لە بەندیخانە بچێتە یانەی چێڵسی لەندەنی.[/size]
س\ www.kurdiu.org