بابهت: رۆژانە چەند وزەت پێویستە؟
هەموومان رۆژانە بڕێكی دیاریكراومان لە وزە Energy پێویستە بۆ چالاكی و فرمانەكانی لەشمان و بۆ ئەنجامدانی جوولە و هەر ی بەدەنی.ئەو وزەیەی كە لە خۆراكەوە وەردەگیرێت بە كالۆری Calories پێوانە دەكرێت، تاوێك بیر لەو بڕە وزەیە بكەرەوە كە رۆژانە پێویستیت پێیەتی، ئایا تۆ رۆژانە زیاتر لەم بڕە وزەیە لە خۆراكت وەردەگریت یان نا ؟ ئایا ئاشناییت هەیە كە هەر بڕێك و جۆرێكی خۆراك چەند وزەی تێدایە ؟ ئایا دەزانی كە وەرگرتنی بڕی زیاتری وزە كە زیاتر بێت لە پێویستی رۆژانەت دوچاری زیادبوونی كێشی لەش و قەڵەویت دەكات ! پیاوێكی ئاسایی كە چالاكی رۆژانەی ئاسایی بێت، لە رۆژێكدا تەنها 2500 كالۆری وزەی پێویستە، ئافرەتێكی ئاسایی كە چالاكی رۆژانەی ئاسایی بێت لە رۆژێكدا تەنها 2000 كالۆری وزەی پێویستە، بڕی كالۆری رۆژانە دەگۆڕێ بە پێی تەمەن و چەندێتی چالاكی بەدەنی، بۆ نموونە كرێكار یان وەرزشوانێك كە رۆژانە ماسولكەكانی زۆر بەكاردەهێنێت و ماندوو دەبێت لەوانەیە كە 3500 كالۆری پێویست بێت. زیاد خواردنی خۆراكی خێرا Fast Food وەكو گەس و پیتزا و هامبرگر و ماكدۆناڵدز، نوشابە گازدارەكان، شەربەت و شیرە شیرینكراوەكان، ساردەمەنییەكان، جبس، هۆت دۆگ و سۆسەج، پاقلاوە و كولیچە و هەویركارییەكان، پاستا یان مەعكەرۆنە، زیاد خواردنی هەموو ئەو خۆراكانە لەبەر ئەوەی كە وزەی زۆر لەخۆدەگرن سەرەڕای سێ ژەمی خۆراك دەبێتە ئەگەری وەرگرتنی وزەیەكی پتر لە پێویستی رۆژانە، دەرەنجام گرفتی زیادبوونی كێشی لەش و قەڵەوی دێتە پێشەوە.
سەرجاوە : گوڵان
[/center]
