بابهت: ئۆتۆمبیلەكەی سەدام بە 370 هەزار دۆلار فرۆشرا
-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=
ئۆتۆمبیلێكی سەدامی دیكتاتۆری پێشووی عێراق كە لەجۆری رۆلز رۆیسە بەبڕی 185 هەزار جونەیهی ئیستەرلینی (370 هەزار دۆلار) بەهەموو بەڵگەنامەكانیەوە كەدەیسەلمێنێت دیكتاتۆری پێشووی عێراق خاوەنیەتی، فرۆشرا.
رۆژنامەی تەلەگرافی بەریتانی لەزاری ستیڤن براون خاوەنی پێشانگای ئۆتۆكۆنتینینتال بۆ فرۆشتنی ئۆتۆمبیل كە بارەگاكەی لە ریدهیلە لەبەریتانیا، بڵاویكردەوە "لەماوەی 28 رۆژ لەفرۆشتنی، ئەو ئۆتۆمبیلە وەرزشییە لەبەغدای پایتەختی عێراقەوە دەگوازرێتەوە بۆ خانووی خاوەنە نوێیەكەی".
بەگوێرەی رۆژنامەكە خاوەنی ئەو پێشانگایە چەند كەسێك پەیوەندییان پێوەكردووەو دەیانەوێت ئۆتۆمبیلەكە بكڕنەوە لێی لەوانە ئەفسەرێكی ئەمەریكی كە دەیەوێت دوای كڕینی تابلۆیەكی پیوەبنێتو ناوی سەدامی بەئینگلیزی لەسەر نووسرابێت.
براون دەڵێت: دەمەوێت ئەو ئۆتۆمبیلە مارسیدسەی سەدام بكڕم كە بەئاڵتون زاخاوی داوەو بەخت یاوەری نەبوو، فریانەكەوێت لێیبخوڕێت لەبەرئەوەی لە 2004 دەستگیركراو دوو ساڵ دواتریش لەسێدارەدرا.
