لە وڵاتی میسیر شێخێك بە بیانووی ئەوەی كە بەهۆی قورئانی پیرۆزەوە نەخۆش چارەسەردەكات، وێنەی دەیان ئافرەتی بەڕووتی گرتووە. لەمبارەوە رۆژنامەی (ئەهرام)ی میسری بڵاویكردەوە كە شێخێكی ناوچەی (عەین شەمس) چەندین ئافرەتی رازی كردووە كە خۆیان رووت بكەنەوە لەبەردەمیدا تاكو بەهۆی قورئانی پیرۆزەوە چارەسەریان بكات، بەڵام بە دزییەوە بە مۆبایل وێنەی ئافرەتەكانی بەڕووتی گرتووە. بەپێی رۆژنامەی ناوبراو ئەم شێخە تەمەنی 32 ساڵە و دوای ئەوەی كە وێنەی چەند ئافرەتی رووتی بە یەكێك لە شێخەكانی هاوڕێی پیشانداوە و ئەویش شكاتی لێكردووە، ئێستا دەستگیركراوە. هەروەها رۆژنامەی ئەهرام ئەوەشی روونكردۆتەوە كە سەرچاوەیەك لە پۆلیسی ناوچەی عەین شەمس بە رۆژنامەكەی راگەیاندووە كە ئەم شێخە وێنەی 73 ئافرەتی بەڕووتی لەناو مۆبایلەكەیدا هەبووە!
             

sarchawa
دوورگە-